ವರದಿ : ನಿಷ್ಕಲ ಎಸ್., ಮೈಸೂರು
ಮೈಸೂರು : ಮೈಸೂರು ಜಿಲ್ಲಾ ಉಪ್ಪಾರ ಸಂಘದಿಂದ ಉಪ್ಪಾರ ಸಮುದಾಯದ ಪೀಠಾಧಿಪತಿ ಶ್ರೀ ಡಾ.ಪುರುಷೋತ್ತಮಾನಂದಪುರಿ ಸ್ವಾಮೀಜಿಗಳ ಜನ್ಮ ದಿನವನ್ನು ಸಿಹಿ ವಿತರಣೆ ಮೂಲಕ ಆಚರಣೆ ಮಾಡಲಾಯಿತು.
ಜಿಲ್ಲಾ ಉಪ್ಪಾರ ಸಂಘದ ಅಧ್ಯಕ್ಷರಾದ ಕರಳಾಪುರ ನಾಗರಾಜು ಅಧ್ಯಕ್ಷತೆಯಲ್ಲಿ ನಗರದ ಅಗ್ರಹಾರದಲ್ಲಿರುವ ಸಂಘದ ಕಚೇರಿಯಲ್ಲಿ ಸ್ವಾಮೀಜಿಗಳ ಜನ್ಮ ದಿನವನ್ನು ಆಚರಣೆ ಮಾಡಲಾಯಿತು.
ಈ ಸಂದರ್ಭದಲ್ಲಿ ಕರಳಾಪುರ ನಾಗರಾಜು ಅವರು ಮಾತನಾಡಿ, ಶ್ರೀ ಡಾ.ಪುರುಷೋತ್ತಮನಾದಪುರಿ ಸ್ವಾಮೀಜಿಗಳ ಜನ್ಮ ದಿನದವನ್ನು ವಿವಿಧ ಸೇವಾ ಕಾರ್ಯಗಳ ಮೂಲಕ ಅವರನ್ನು ಮೈಸೂರಿಗೆ ಕರೆಸಿ ಆಚರಣೆ ಮಾಡಲು ನಿರ್ಧರಿಸಲಾಗಿತ್ತು, ಆದರೇ, ಸ್ವಾಮೀಜಿಗಳು ಶ್ರೀಮಠದಲ್ಲಿಯೇ ಜನ್ಮ ದಿನವನ್ನು ಆಚರಣೆ ಮಾಡಿಕೊಳ್ಳುವ ನಿರ್ಧಾರ ಮಾಡಿದ್ದರಿಂದ ಮತ್ತು ತಮ್ಮ ಜನ್ಮ ದಿನವನ್ನು ಸರಳವಾಗಿ ಆಚರಣೆ ಮಾಡಲು ಸೂಚಿಸಿದ್ದರ ಮೇರೆಗೆ ಇಂದು ಸಂಘದ ಕಚೇರಿಯಲ್ಲಿ ಸಿಹಿ ವಿತರಣೆ ಮಾಡುವ ಮೂಲಕ ಶ್ರೀಗಳ ಜನ್ಮ ದಿನವನ್ನು ಆಚರಣೆ ಮಾಡಲಾಗಿದೆ ಎಂದು ಹೇಳಿದರು.
ಶ್ರೀಗಳು ರಾಜ್ಯಾದ್ಯಂತ ಪ್ರವಾಸ ಮಾಡಿ ಉಪ್ಪಾರ ಸಮುದಾಯದವನ್ನು ಸಂಘಟನೆ ಮಾಡುವುದರ ಮೂಲಕ ನಮ್ಮ ಸಮುದಾಯದ ಮಕ್ಕಳು ಹೆಚ್ಚು ಹೆಚ್ಚು ಶಿಕ್ಷಣ ಪಡೆಯಲು ಜಾಗೃತಿ ಮೂಡಿಸುತ್ತಿದ್ದಾರೆ. ಅಲ್ಲದೇ ಸಮುದಾಯದ ಸಂಘಟನೆಗೆ ಹೆಚ್ಚು ಒತ್ತು ನೀಡುತ್ತಿದ್ದಾರೆ, ಮುಂದಿನ ವರ್ಷ ಶ್ರೀಗಳನ್ನು ಮೈಸೂರಿಗೆ ಕರೆಸಿ ಅವರ ಜನ್ಮ ದಿನವನ್ನು ಅದ್ದೂರಿಯಾಗಿ ಆಚರಣೆ ಮಾಡಲಾಗುವುದು ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಮೈಸೂರು ಜಿಲ್ಲಾ ಉಪ್ಪಾರ ಸಂಘದ ಗೌರವಾಧ್ಯಕ್ಷರಾದ ಕನಕನಗರ ಮಹದೇವು, ಉಪಾಧ್ಯಕ್ಷರಾದ ಪ್ರಕಾಶ್, ಮಹಿಳಾ ವಿಭಾಗದ ಅಧ್ಯಕ್ಷರಾದ ಉದಯಗಿರಿ ಗೌರಮ್ಮ, ಗೌರವ ಸಲಹೆಗಾರರಾದ ಆರ್.ನಾಗರಾಜು, ಸಂಘಟನೆಯ ನಿರ್ದೇಶಕರಾದ ಹೆಮ್ಮೆರಗಾಲ ಸೋಮಣ್ಣ, ನಿವೃತ್ತ ಪ್ರಾಂಶುಪಾಲರಾದ ಗೋವಿಂದರಾಜು, ಕುಡ್ಲಾಪುರ ರಾಜು, ಹದಿನಾರು ಮೋಳೆ ಸಿದ್ದಪ್ಪ, ಸಿಂಹವಾಹಿನಿ ಚಾರಿಟಬಲ್ ಟ್ರಸ್ಟ್ ಅಧ್ಯಕ್ಷರಾದ ಮಲ್ಲೇಶ್, ತಮ್ಮಡಿ ಮಾದೇಶ, ನಿವೃತ್ತ ಎಎಸ್‍ಐ ಜವರಶೆಟ್ಟಿ, ನಾಗರಾಜು, ವಿನೋದ್, ಮಹೇಶ್, ಜನತಾನಗರ ಮಂಜುನಾಥ್, ಗಣೇಶ್‍ನಗರ ಕುಮಾರ್, ಮಹದೇವಶೆಟ್ಟಿ, ನ್ಯಾಯಬೆಲೆ ಅಂಗಡಿ ಮಹದೇವು ಇತರರು ಇದ್ದರು.
